Ўлжас Бектенов
раислигида ўтказилган Ҳукумат йиғилишида электроэнергетика инфратузилмаларини
модернизациялаш ва янги қувватларни ишга тушириш муҳокама қилинди.. Энергетика
вазирлиги берган маълумотга кўра, 2025 йилда 123 миллиард кВт-соат
электроэнергия ишлаб чиқарилган. Генерация асосан кўмир билан ишловчи станциялар
ҳисобига амалга оширилди. Лекин газ станциялари улуши ортиб боряпти ва умумий
ҳажмнинг чорагини ташкил қилди. ТЭМ улуши 13 ярим фоизга етди. Ҳозир Қозоғистонда
кенг кўламли инвестициявий режа амалга ошириляпти. Умумий қуввати 15 Гвт, жами 13
триллион тенге сармоя киритиладиган 81 та лойиҳа устида иш боряпти. Экибастуз
ГРЭС-3, Курчатовда янги станция, Кўкшетау, Семей ва Ўскемендаги ТЭЦлар каби стратегик
объектлар устида иш олиб бориляпти. Уч йил давомида Ягона энергетика тизимининг
мослашувчанлигини ошириш учун заруратга кўра ишга тушадиган генерация манбалари
яратиш устида иш олиб бориляпти. Келаси йилда Қозоғистон энергия тақчиллигини бартараф этиши, 2029 йилга
бориб эса барқарор электроэнергия профицитига эга бўлиши кутиляпти. Бу эса
мамлакат экспорт салоҳиятини оширади.
Абдумалик Сарманов таржимаси
Ўхшаш янгиликлар
