Истамбулда Олтин Ўрда ҳукмдори Жанибекхон томонидан XIV асрда ёзилган қўлёзмалар топилди. Улардан бири 1334 йилда, ҳали Жанибек султон лавозимида бўлган вақтда араб тилида, иккинчиси эса 1350 йилда, у тахтга ўтирганидан кейин форсий тилда битилган. Биринчи тарихий ҳужжатда тилла суви билан безатилган саҳифаларда Жанибек-султаннинг аждодлари: Чингизхондан тортиб унинг отаси Ўзбекхонгача бўлган барча аждодлари ҳақида маълумот бор. Ҳужжатларни Ўмирбек Канай топишга муваффақ бўлди. Қўлёзма нусхалари Алматидаги Марказий Давлат архивига топширилди.Уларни синчиклаб ўқиш ва таржима қилиш, сўнг алоҳида китоб шаклида чоп этиш режалаштирилган. Бу ишларнинг барчаси «Архив-2025» лойиҳаси доирасида рўёбга чиқариляпти.
Ўмирбек Қанай, Марказий давлат архиви илмий ходими:
– Ҳар иккала китобнинг ички муқовасига Усмонли султон Боязид иккинчининг муҳри борлиги уларнинг ўта қимматли эканлигидан далолат беради. Мазкур қўлёзмалар совға қилингани ёки Усмонлилар саройида атайин қолдирилганини тахмин қилиш мумкин. Келажакда бунинг тафсилотлари аниқланади.
Абдумалик Сарманов таржимаси.
