Қозоғистон Мажилиси илм-фан шаҳарларини ривожлантириш тўғрисидаги қонун лойиҳасига ўзгаришларни иккинчи ўқишда тасдиқлади. Улар мақоми, яратилиш ва иш юритиши шартлари қонунан белгиланди. Гап илмий марказлар, юқори технологик ишлаб чиқаришлар ҳамда инновациявий инфратузилма ўрнатиладиган махсус зоналар ҳақида кетяпти. Бу эса ишланмаларнинг иқтисодга кириб келишини жадаллаштиради, фан ва бизнеснинг ўзаро алоқасини кучайтиради. Айни вақтда, парламент қуйи палатаси депутатлари рейтинг фаолияти тўғрисида қонун лойиҳасини биринчи ўқишда маъқуллади. Ҳужжат Миллий рейтинг агентлиги тузишни кўзда тутади. У мамлакат компаниялари ва молиявий воситаларга кредит рейтинглари беради, таваккалларни баҳолаш бўйича ўз тизимини шакллантиради. Лойиҳа муаллифлари фикрича, натижада молия бозорида шаффофлик ортади, мамлакат компанияларининг капитал жалб қилиши осонлашади. Илм-фан шаҳарлари билан бирга ушбу чора-тадбирлар мамлакатда шаклланган инвестициявий иқлимни янада мустаҳкамлайди, технологик ривожланиш жараёнларини жадаллаштиради.
Мадина
Абилқасимова, Қозоғистон Республикаси Молия бозорини тартибга келтириш ва
ривожлантириш агентлиги раиси:
- Қонун
лойиҳасининг асосий вазифаси – кичик ва ўрта бизнес компанияларининг мустақил
тарзда рейтингини баҳолашдан иборат. Бу эса уларнинг жамғарма бозорига чиқишига
имкон яратади. Шундай рейтингга эга компаниялар қанчалик кўп бўлса, уларнинг
молиявий бозор орқали маблағ олиш имконияти шу қадар кўпаяди. Банклар ҳам
капитал бозорлари орқали қимматли қоғозлар харид қилиш бўйича қарорлар қабул
қилишда мазкур рейтингларга эътибор қаратади.
Абдумалик Сарманов таржимаси
Ўхшаш янгиликлар
