Қозоғистон яна бир
марта Исроилнинг Қатар ҳудудида ўтказган ҳарбий ҳаракатлари хусусида ўз фикрини
билдирди. Дохада бўлиб ўтган фавқулодда Араб-Ислом саммитида Президент
топшириғига кўра қатнашган Мажилис раиси Ерлан Қўшанов баёнот берди. Йиғилишда
у ҳар қандай халқаро зиддият БМТ Низоми ҳамда халқаро ҳуқуқ асосида ҳал
қилиниши лозимлигини таъкидлади. Эслатамиз, Қосим-Жўмарт Тўқаев ҳар доим Ғазодаги
ҳарбий ҳаракатларга барҳам бериш ва аҳолига инсонийлик ёрдами кўрсатишга
чақириб келяпти. Бу иш Ислом озиқ-овқат хавфсизлиги ташкилоти билан бирга давом
этади.
Ерлан Қўшанов, Қозоғистон
Республикаси Парламенти Мажилиси раиси:
– Қозоғистон
Исроилнинг Қатар давлати ҳудудида амалга оширган ҳарбий ҳаракатларини қатъий
қоралайди. Президентимиз Қосим-Жўмарт Кемелевич Тўқаев ушбу мавқедан туриб
биринчи бўлиб фикр билдирди ва Қатарни қўллаб-қувватлади. Қандай мақсад кўзда
тутилган бўлса ҳам, бундай ҳужумларга йўл қўйилмаслиги керак. У Қатар давлати
суверен ҳуқуқларини топтайди, халқаро ҳуқуқ тамойилларига зид. Шундай ҳужум
биттагина давлат эмас, халқаро ҳуқуқ асосларига риоя этаётган барча давлатлар
осойишталиги ва суверенитетига хавф солади.
Абдумалик Сарманов таржимаси
Ўхшаш янгиликлар
