Ўз вақтида кўчириш, тошқинндан зарар кўрганларга ёрдам бериш, сув остида қолган ҳудудлардаги эпидемиологик вазиятни назорат қилиш ва баҳорги дала ишларига тайёрланиш. Қозоғистон президенти Тошқинга қарши чора-тадбирларни мувофиқлаштириш ва тошқин асоратларини бартараф этиш республика штаби йиғилишида шундай топшириқлар берди. Қосим-Жўмарт Тўқаев таъкидлашича, унинг топшириғига кўра давлат моддий захирасидаги махсус техника ва бошқа воситалар ишга қўшилди. Саноат ва қурилиш вазирлиги зиммасида катта ишлар бор. Вазирликка уй-жойларни, ижтимоий инфратузилмани, коммунал объектларни тиклаш бўйича фаолиятни мувофиқлаштириш бўйича тезкор гуруҳ шакллантириш топширилди. Айни вақтда, қозоғистонликлар уй-жойларнинг тикланиш жараёнини кузатиб бориши учун имконият яратилсин, дея таъкидлади Давлат раҳбари. Йил охиригача Қозоғистонда тошқинларни бошқаришнинг узоқ муддатли стратегияси ва тегишли дастурий ҳужжатлар ишлаб чиқилиши лозим.
Абдумалик Сарманов таржимаси.
