Шанхай
ташрифи доирасида Қосим-Жўмарт
Тўқаев
Хитойнинг йирик компаниялари вакиллари билан учрашди, қўшма лойиҳаларни
муҳокама қилди. Xiaomi Corporation (Сяоми Корпорейшн) ҳамкори ва президенти Лу
Вейбин билан учрашувда Давлат раҳбари сунъий интеллект, булутли технологиялар
ва рақамли платформалар соҳасида ҳамкорлик ҳақида гапирди. Томонлар сунъий интеллект тизимларига
хизмат кўрсатиш, электромобиллар ва аккумуляторлар ишлаб чиқариш учун
қозоғистонлик мутахассисларни тайёрлаш масалаларига тўхталди. Давлат раҳбари
компаниянинг мамлакатимиздаги фаолиятини кенгайтиришга қаратилган ташаббусларини
қўллаб-қувватлашга тайёрлигини тасдиқлади.
Қосим-Жўмарт Тўқаев CATL (Си-Эй-Ти-Эл) директорлар кенгаши ҳамраиси Пан Цзянь билан учрашувда
Қозоғистонда аккумулятор батареялари ишлаб чиқарувчи завод қуриш лойиҳасини олқишлади. Давлат
раҳбари хомашёни қайта ишлашдан тайёр маҳсулотгача бўлган тўлиқ ишлаб чиқариш
жараёнини шакллантириш учун барча имкониятлар мавжудлигини таъкидлади.
Эслатамиз, бугунги кунда СATL электромобиллар учун аккумуляторлар жаҳон
бозорининг 40 фоизини эгаллайди.
Қосим-Жўмарт Тўқаев China Communications Construction Company президенти Чжан Биньнань билан Қозоғистоннинг
транспорт-логистика ва энергетика салоҳиятини мустаҳкамловчи лойиҳаларни
муҳокама қилди. Томонлар Бақти-Аягўз темир йўлини қуриш ва Каспий денгизида тубини чуқурлаштириш корхонаси
ташкил этиш масалаларини кўриб чиқдилар. Президент, шунингдек, компания билан
Алмати вилоятида қуввати 600 МВт бўлган Қозоғистондаги биринчи гидроаккумуляция электр станциясини қуриш
лойиҳасини рўёбга чиқариш бўйича
битимни олқишлади.
Guoyou Materials Group (Гою Materials Group) эса Қозоғистоннинг Қуриқ портида биринчи босқичида 15 миллион тонна ўтказиш қобилиятига эга мультимодаль хаб қуришни режалаштирмоқда. Қосим-Жўмарт Тўқаев лойиҳани гуруҳ директорлар кенгаши раиси Юй Боян билан муҳокама қилди. Мажмуа денгиз ва темир йўл йўналишларини ўзаро боғлайди, Қозоғистоннинг экспорт ва транзит имкониятларини кенгайтиради.
Абдумалик Сарманов таржимаси.
Ўхшаш янгиликлар
