Осиёнинг 2025 йил энг яхши олий таълим даргоҳлари рейтингига Қозоғистоннинг 35 та олий ўқув юрти киритилди. Улар қаторида Қозоғистон Миллий университети, Евроосиё Миллий университети, Satbayev University, Қозоғистон миллий педагогика, Жанубий Қозоғистон, Қозоғистон аграр тадқиқот, Букетов номли Қарағанди ва Халқаро Қозоғистон – Туркия университетлари бор. Фан ва олий таълим вазирлиги берган маълумотга кўра, бу кўрсаткичга илк марта эришилди. Рейтингда жами 25 давлатнинг 985 олий таълим даргоҳи бор. Шуни ҳам айтиш керакки, MBA ва магистратуранинг энг яхши дастурлари ҳамда Дунёнинг энг яхши талабалар шаҳарчалари рўйхатларида Марказий Осиёдан фақат Қозоғистон олий таълим даргоҳлари бор.
Абдумалик Сарманов таржимаси.
