Қозоғистон келажакда ҳам жаҳон бозорига қишлоқ хўжалиги маҳсулотларини етказиб беришга тайёр, Афғонистонга кўрсатилаётган гуманитар ёрдамда иштирок этади. Қозоғистон Республикаси Бош вазири ўринбосари - Ташқи ишлар вазири Мухтар Тлеуберди БМТ ташкил қилган "Глобал озиқ-овқат хавфсизлиги: фаолият учун чақириқ" конференциясида шундай баёнот берди. Халқаро учрашувда озиқ-овқат тақчиллиги хавф солаётган ва глобал озиқ-овқат хавфсизлигини таъминлашга катта ҳисса қўшаётган мамлакатлар вакиллари иштирок этди. Таъкидлаш лозимки, БМТ берган маълумотга кўра, 38 мамлакатда яшовчи 44 миллион одамга очлик хавф солмоқда, 811 миллион одам очин-тўқин яшаяпти. Қозоғистон форин-офиси раҳбари БМТ Бош котиби Антониу Гутерриш билан учрашди. Томонлар мамлакатимиз ва ташкилот ўртасида ҳамкорлик истиқболларини муҳокама қилди.
Мухтар Тлеуберди, Қозоғистон Республикаси Бош вазири ўринбосари - ташқи ишлар вазири:
- Қозоғистон юз бераётган ҳарбий тўқнашувлардан хавотирда. Натижада, озиқ-овқат етиштириш ва унинг захираларига путур етади. Тобора кўпроқ одам оч қолади. Пандемия вазиятни ёмонлаштирди. Шу муносабат билан барча иштирокчиларни халқаро гуманитар ҳуқуқни ҳурмат қилишга чақирамиз.
Абдумалик Сарманов таржимаси.
Веб-редактор: Admin
Ўхшаш янгиликлар
