Алматида бўлиб ўтган Creative Central Asia халқаро учрашувида экспертлар креатив саноат ва импакт-инвестицияларни ташкил этиш масаласини муҳокама қилишди. Тадбирда минтақа мутахассислари ҳамда Буюк Британия мутахассислари иштирок этди. Улар таъкидлашича, импакт-инвестиция – биринчи навбатда ижтимоий муаммоларни ҳал этишга қаратилган узоқ муддатли капитал. У кино, мусиқа, санъат ва дизайнни ривожлантиради. Deloitte маълумотига кўра, 2023 йилда дунёдаги импакт-инвестиция ҳажми 1 млрд доллардан ошди. Креатив саноатда 36 та йирик жамғарма ишлаяпти.
Настя Гончарова, Креатив
тадбиркорликни ривожлантириш дастури ментори:
- Бундай инвестиция олган компания
маблағни барқарорликка эришиш учун сарфлайди. Айни вақтда, ижтимоий миссиясини
бажаради. Масалан, аҳолининг заиф қатламлари билан иш юритади. Агарда сизда
тегишли база мавжуд бўлса, биз инвесторга ҳисобот бера оламиз, бозорга ҳам,
мижозларга ҳам шунчаки товарни пулга чақмаётганимизни тушунтирамиз.
Экспертлар фикрича, Қозоғистонда
импакт-инвестициялар эндигина ривожлана бошлади. Шунга қарамай, жорий йилда
мамлакатда креатив саноат улуши 5 фоизга етиши, соҳада шуғулланаётганлар сони 4
фоизга, креатив саноатдаги кичик ва ўрта бизнес сони 1,5 марта ошиши кутиляпти.
Сауле Мамаева, импактни баҳолаш эксперти:
- Импакт-тадбиркорлик ва креатив
саноатнинг мавжудлиги ҳамиша халқнинг талабига жавоб беради. Аҳоли бундай
мураккаблаштирилган маданий маҳсулотни истеъмол қилишга тайёр. Кўпчилик
экология, маданият кун тартибида қатнашишни истайди. Алмати мисолида олсак, бу
- маданият, хизмат кўрсатиш бўлгани учун шаҳарнинг етарлича креатив бўлишига
эриша олади. Менимча, креатив саноат тадбиркорлари шаҳардаги яратилган
нарсаларнинг 40-30 фоизини беради.
Абдумалик Сарманов таржимаси.
Ўхшаш янгиликлар
