Қозоғистонликларнинг салкам 80 фоизи Қозоғистон Президенти Қизил Ўрдадаги Миллий қурултойда таклиф этган конституциявий ислоҳотни қўллаб-қувватлайди. «Жамоат фикри» тадқиқот институти ўтказган сўровлар кўрсатишича, Қозоғистон аҳолиси ижтимоий-сиёсий жараёнларни фаол кузатиб боряпти. Январь ойининг энг муҳим воқеаси сифатида респондентлар Миллий қурултойни кўрсатди. Қозоғистонликлар энг муҳим воқеа сифатида бир палатали Парламентга ўтиш, вице-президент лавозими таъсис этиш ва Халқ кенгаши ташкил этишни кўрсатди. Шу билан бирга, респондентларнинг 65 фоизи конституциявий ислоҳот улар ҳаёти ва фаровонлигига ижобий таъсир кўрсатишига ишонади. Фуқаролар янги парламентнинг самарали ишлаши ва жамият билан фаол алоқада бўлишини кутяпти. Умумий хулосага кўра, қозоғистонликлар ислоҳотларни кутяпти ва турмуш сифатини яхшиловчи ўзгаришларга умид қиляпти.
Абдумалик Сарманов таржимаси
Ўхшаш янгиликлар
