Қозоғистонлик ўқувчи кўприкларни
баҳорги тошқин сувларидан муҳофаза қилиш йўлини таклиф қилди. Ўтган йилги воқеалардан сўнг Виктор Рижков сув сатҳи кўтарилишига жавоб берадиган инновациявий тизим яратиш ҳақида ўйлай бошлади. У таклиф этган конструкцияли кўприк сув кўпайиб кетган
ҳолларда кўтарилиб, сувни ўтказиб юборади. Тизим инсон иштирокисиз ишлайди.
Виктор Рижков, ўқувчи:
- Суюқлик датчиги кўприк учун
хавфли, деб ҳисобланадиган баландликка қўйилади. Сув сатҳи унга етиб борган тақдирда датчик Arduino тизимига сигнал
беради, у эса махсус
арқонлар ёрдамида кўприкни кўтаради. Мазкур тизимда ишида шаклини ўзгартира оладиган
кўприк элементлари,
устунлари, ортиқча сув ўтиши
учун кўзда тутилган қўшимча ҳажм муҳим ўрин тутади.
Ўнинчи синф ўқувчиси айтишича, ғоясини рўёбга чиқариш учун дунёдаги кўплаб кўприк конструкцияларини ўрганган. Ундаги нусха ҳаммасидан ўзгача. Виктор ҳозир бу лойиҳадан амалда фойдаланишни истайдиган
ташкилотни топиш ҳақида ўйлаяпти.
Виктор Рижков, ўқувчи:
- Биз бундай кўприк
бунёд этиш мумкинлигини амалда кўрсатиб беришга ҳаракат қилдик. Менимча, лойиҳамиз катта фойда келтиради. Тошқинлар мавжуд экан, шундай кўприклар қуриш давлат
учун ҳам, аҳоли учун ҳам фойдали. Акс ҳолда зарар кўришимиз мумкин. Менимча, келажакда одамлар кўприкнинг фақат шундай моделидан фойдаланади.
Ёш ихтирочи моделини такомиллаштириш, унинг босқичма-босқич кўтарилишини таъминлаш, радиомодуль интеграция қилиш, тегишли ташкилотларга автомат шаклда хабар юбориш имкониятларини яратиш ниятида. Эслатамиз, «Smart Bridge» лойиҳаси республика инновациявий ғоялар танловида биринчи ўринни олди.
Абдумалик Сарманов таржимаси
Ўхшаш янгиликлар
