Астанада сунъий интеллект халқаро ҳафталиги ўтказиляпти

Сунъий интеллект келажак технологиялари доирасидан ташқарига чиқиб олди, кундалик ҳаётнинг бир қисмига айлана бошлади. Унинг «ақлли» шаҳарларни, соғлиқни сақлаш, ижтимоий соҳани, саноат ва бизнесни ривожлантиришдаги имкониятлари «Astana AI Week»да муҳокама қилинмоқда. Тадбирда 400 нафардан зиёд олимлар, ишланма муаллифлари, талабалар ва экспертлар қатнашяпти. Халқаро илмий-инновациявий ҳафталик давомида иштирокчилар амалда қўлланилаётган ечимларни тақдим этади, тажриба алмашади ва янги технологик ғоялар ахтаради. Ташкилотчилар тақдим этилган энг яхши лойиҳаларни амалиётга жорий этиш, истиқболли ишланмаларни тараққиёт воситаларига айлантириш ниятида.

Бейбит Абдикенов, Astana It University «AI» илмий-инновациявий маркази директори:

- Инсон салоҳиятини, инновацияларни ривожлантириш муҳим, биз Астанани инновациялар шаҳри сифатида тақдим этмоқчимиз. Асосий икки йўналиш бор. Биринчиси – саноат. Иккинчи йўналиш – бу соғлиқни сақлаш. Талабалар, олимлар керак, ёшига кўра чеклов йўқ.

Абдумалик Сарманов таржимаси

Веб-редактор: Нұрбек Балгүл Қайрошқызы