Назарбоев
Университет олимлари тери ракига қарши мутлақо ўзига хос дори тайёрлаш устида
ишлаяпти. Онкоҳужайралар кўпайишини молекуляр даражада блокловчи препарат
таълим даргоҳи лабораториясида синалаяпти. Халқаро тадқиқот
гуруҳига доктор Ахмед Элькамхави раҳбарлик қиляпти. Гуруҳда 7 та тадқиқотчи —
PhD-талаба ва олти нафар Университет бакалаври бор. Меланоманинг кучайиб кетиши олдини олишда янгича ёндашиш,
киназа-RAF
ферменти
ингибиторларидан фойдаланиш кўзда тутилган.
Ахмед Элькамхави, NU ассистент-профессори:
- Бу ферментнинг биз шу даргоҳда кашф этган ва киритган молекуламиз билан боғланиши оқибатида фермент организмда кўпайиб кетиши олди олинади. Шу тариқа, биз номзод препаратдан меланомани даволаш воситаси сифатида фойдалана оламиз. Келажакда биз киназа-RAF билан шунга эришмоқчимиз. Менимча, кейинги босқичда биз ўзимизнинг бирикмамизнинг янада самарали шаклларини ярата оламиз, сўнгра клиник синовларга ўтамиз.
Олимлар дастлабки
тадқиқотлар натижаларини нуфузли илмий нашрлардан бирида чоп этишди. Бу эса кейинги босқичга ўтиш ва препаратни
такомиллаштиришга йўл очади. Келажакда ёш тадқиқотчилар бошқа ўсмага қарши
препаратлар ишлаб чиқишни режалаштиришган.
Алия Аманжол, NU докторанти:
- Биз RAF ферменти билан ишлаймиз. Менинг иккинчи диссертация ишимда Jak-2
ферментидан фойдаланиш кўзда тутилган. У ўпка ракини даволашда қўл келади.
Яъни, биз инсон организмидаги ферментив реакциялар тезлигини пасайтирувчи кичик
молекулалар яратамиз. Шу тариқа, фақат Raf ферменти эмас, Jak ферменти билан
ҳам ишлаймиз, кейинги авлод EGFR ингибиторлари фаолиятини ўрганамиз.
Абдумалик Сарманов таржимаси
Ўхшаш янгиликлар
