Сўнгги ҳафта ичида Қозоғистонда коронавирус юқтириш ҳоллари салкам уч марта ортган. Умуман олганда, республикада июнь ойи ўрталаридан бошлаб хасталаниш ҳолатлари яна кўпая бошлади. Мамлакат Санитария-эпидемиология назорати қўмитаси берган маълумотга кўра, ҳолатларнинг 80 фоизи вакцина олмаган ва 6 ойдан кўпроқ муддат аввал эмланганларга тўғри келяпти. Таъкидлаш лозимки, Қозоғистон Республикаси Соғлиқни сақлаш вазирлиги берган маълумотга кўра, шу кунгача 9 ярим миллион қозоғистонлик вакцина олган. 4 миллион 800 минг фуқаро қўшимча эмланган. Республикада ўтган кеча-кундузда 330 та коронавирус ҳолати аниқланди. Шу жумладан, Алматида 191 беморда касаллик тасдиқланган. Пойтахт иккинчи ўринда. 36 нафар фуқаронинг тести ижобий натижа берди. Коронавирус пандемияси бошланганидан буён мамлакатда 1 миллион уч юз саккиз минг одам касалликка чалинган.
Абдумалик Сарманов таржимаси.
