Қозоғистон ва АҚШ ўртасида тоғ-кон саноати ва ўта муҳим минераллар
соҳасидаги ҳамкорлик янги босқичга кўтарилмоқда. Халқаро кон-металлургия
конгрессида сўзга чиққан АҚШ савдо вазири ўринбосари Девид Фогель Вашингтон
Қозоғистон билан бу соҳадаги ҳамкорликни кенгайтириш ва глобал таъминот
занжирларини мустаҳкамлашдан манфаатдор эканини таъкидлади. Эслатамиз, аввалроқ
Қозоғистон ва АҚШ ўртасида умумий қиймати 17 миллиард доллар бўлган 29 та
шартнома имзоланган эди. Келишувлар иқтисодиётнинг асосий йўналишларини ўз
ичига олди. Қозоғистон томони таъкидлашича, ҳамкорлик хомашё экспорти билан
чекланмайди. Илғор технологиялар трансфери ва юқори қўшимча қийматга эга ишлаб
чиқаришларни ривожлантириш устуворлик касб этади.
Марат Биримжон, "Kazakh Invest" МК" ажнинг
Америка Қўшма Штатларидаги вакили:
- Мамлакатимиз ва АҚШ учун ўта муҳим
минераллар инвестиция сиёсатининг устувор йўналиши ҳисобланади. Биз ҳукуматлар
ўртасида ҳам, хусусий компаниялар, миллий компаниялар, икки мамлакат бизнеси
ўртасида ҳам фаол ҳамкорликни кўриш, унинг ривожига ёрдам беришдан
мамнунмиз. Менимча, жуда катта – миллион эмас, миллиардлаб долларга тенг салоҳият бор. Бугун сармоя
киритишга тайёр бўлган яна бир қатор йирик, ўрта ва кичик Америка компаниялари тақдим этилди.
Мағжан Илясов, Қозоғистон
Республикасининг Америка Қўшма Штатларидаги фавқулодда ва мухтор элчиси:
- Энг муҳими, буларнинг барчасининг ортидаги катта сиёсий мужда - Қўшма Штатларнинг ҳозирги маъмурияти Қозоғистонни ўз иқтисодиёти учун жуда ишончли ўта муҳим минераллар етказиб берувчи сифатида кўради. Биз нафақат хомашё қазиб олиш ва экспорт қилиш, балки Қозоғистонда хомашёга қўшимча қиймат берувчи корхоналар ташкил этиш бўйича ҳам ҳамкорликни йўлга қўямиз.
Абдумалик Сарманов таржимаси.
Ўхшаш янгиликлар
