Қозоғистон Президенти Қосим-Жўмарт
Тўқаев Дональд Трампдан Ғазо бўйича
тинчлик кенгашига таклифнома олди. Қозоғистон эса янги бирлашма муассисларидан бири
бўлиши мумкин. Давлат
раҳбари ёрдамчиси-матбуот-котиби Руслан Желдибайнинг
маълум қилишича, Қосим-Жўмарт
Тўқаевга дунё
етакчилари ичида биринчилардан бўлиб шундай таклиф жўнатилди. Президент Кенгаш
аъзоси бўлишга розилигини билдирди ва ўз мурожаатида Қозоғистоннинг Яқин Шарқда
мустаҳкам тинчликка, давлатлараро ишонч ва глобал барқарорликка эришилишига
ҳисса қўшиш ниятида эканлигини таъкидлади. Аввалроқ Дональд Трамп АҚШ ва
халқаро ташкилотлар ёрдамида Ғазодаги вазиятни тартибга келтириш мақсадида
Тинчлик кенгаши шакллантирилаётганини эълон қилганди. Шунингдек, Дональд Трамп таклифига кўра 2026 йил охирида Президент Тўқаев
G20 саммитида қатнашади.
Абдумалик Сарманов таржимаси
Ўхшаш янгиликлар
