Қозоғистон
Президенти Туркий давлатлар ташкилоти XII саммитида иштирок этди. Эслатамиз, у
Озарбайжоннинг Габала шаҳрида ўтказиляпти. Қосим-Жўмарт Тўқаев таъкидлашича,
бугунги кунда ташкилот дўст туркий давлатларни бирлаштирган нуфузли ва ўз
таъсир доирасига эга ташкилотга айланди. Кўплаб мамлакатлар унга қизиқиш
билдиряпти. Қозоғистон «Туркий давлатлар ташкилоти+» форматини яратиш фикрини
қувватлади. Бу ТДТ нуфузини оширади, ҳамкорликни кенгайтиради.
ТДТнинг асосий
мақсади минтақада барқарорлик ва тинчликни мустаҳкамлаш. Қосим-Жўмарт Тўқаев
таъкидлашича, туркий давлатлар турли таҳликаларга қарши ҳамкорлик қиляпти.
Лекин бу етарли эмас. Янги хавф – кибератакаларга биргаликда қарши туриш зарур.
Бунга ташкилотнинг Киберхавфсизлик кенгашини яратиш орқали эришиш мумкин.
Туркий давлатларнинг барқарорлиги ва фаровонлиги иқтисодий ҳамкорликка
асосланган. Қозоғистон Президенти «Туркий дунё истиқболлари – 2040» дастурини
рўёбга чиқаришга асосий эътибор қаратишни таклиф этди. унда Туркий инвестиция
жамғармаси имкониятларидан фойдаланиш лозим. Бундан ташқари, Қосим-Жўмарт
Тўқаевнинг фикрича, транспорт-логистика алоқаларини кенгайтириш, шу жумладан, Транскаспий
Халқаро транспорт йўналишини ривожлантириш лозим.
Абдумалик Сарманов таржимаси
Ўхшаш янгиликлар
