Қозоғистон Президентига 2022 йилда амалга оширилган ишлар ҳисоботи топширилди. Режалар баён этилди. Шу жумладан, жиноятчиликнинг олдини олиш бўйича кўрилаётган чора-тадбирлар тўғрисида Қосим-Жўмарт Тўқаевга тўла маълумот берилди. Натижада, қотиллик ҳолатлари камайди, ўғирлик, мол ҳайдаб кетиш, кибержиноятчилик фактлари очилиши кўпайгани кузатиляпти. Вазирлик 6 та уюшган жиноятчи гуруҳни фош қилган. 165 та товламачилик белгиларига эга сайт аниқланган. Президент ҳар қандай маиший зўравонлик, интернет-товламачилик ва қишлоқлардаги жиноятчилик ҳолатлари бўйича дарҳол чора кўриш зарурлигини таъкидлади. Бу йўналишда қонуний ва ташкилий қадамлар қўйишни топширди.
Абдумалик Сарманов таржимаси
