Қозоғистон
пойтахтида ISAAC 15-халқаро конгресси бошланди. Бу математика дунёсидаги энг
йирик воқеалардан бири. Анжуман илк марта Марказий Осиёда ташкил қилинди. Бу
эса Қозоғистон математика мактабининг юқори даражага эришгани ва тан олинганини
кўрсатади. Астанага бутун дунёдан 700 нафар иштирокчи ташриф буюрди. Улар
қаторида сунъий интеллект бўйича экспертлар, Кембриж, Нью-Йорк университетлари,
Лондон Империя коллежи профессорлари бор. Конгресс доирасида олимлар математика
ва унга ёндашган фанлардаги долзарб илмий ютуқлар, янгича ёндашувларни муҳокама
қилади. Таъкидлаш лозимки, бу тадбир анъанага кўра бир неча йилда бир марта,
дунёнинг етакчи олимлари иштирокида ташкил қилинади. У аввал АҚШ, Япония,
Германия, Канада, Буюк Британияда ташкил қилинган.
Дурвудхан
Сураган, ISAAC-2025 15-конгресси раиси:
- Қозоғистон
учун бу фанни оммалаштириш ва глобал илм-фан ҳамжамиятида мамлакат нуфузини
кўтариш учун муҳим қадам. Бу ерда математика бўйича Нобель мукофоти билан тенг
кўриладиган совринларни олган одамлар бор. Меценатлар қўллаб-қувватлаши туфайли
100 нафар ёш олим конгрессга кела олди. Улар машҳур математиклар ва турли
давлатлардан келган ҳамкасблар билан танишади, тажриба алмашади.
Мартин Хайрер,
Филдс медали лауреати:
— Бу
математиканинг атроф-муҳитни тасвирловчи бўлими - таҳлил бўйича ўтказиладиган
анжуманларнинг энг йирикларидан бири. Энг йирик математик конгресс илк марта
Марказий Осиёда ўтказиляпти. Бу ерда бўлиш жуда мароқли.
Абдумалик Сарманов таржимаси
Ўхшаш янгиликлар
