Қозоғистон Африка
давлатларидан бирига электрон ҳукумат ташкил
этишда техник ёрдам кўрсатади. «KazAID» халқаро
тараққиёт агентлиги берган маълумотга кўра, Сьерра-Леонега кўрсатилган грант ёрдами доирасида Egov компонентлари тақдим этилди. Ҳамкорлик
тўғрисида имзоланган меморандумга мувофиқ, Қозоғистон IT-ечимлари экспорти йўлга қўйилади. Ҳозирча «Smart Bridge
сервислар витринаси», «Давлат
органлари интернет-воситалари ягона майдончаси» ҳамда «Smart Data Ukimet» ахборот-аналитика
тизими тақдим этилди. Ҳозир мамлакат делегацияси Сьерра-Леоне ахборот-коммуникация инфратузилмалари IT-ечимларни киритишда давом
этиш учун қанчалик тайёрлиги ўрганиляпти.
Дмитрий Мун, Миллий ахборот технологиялари бошқаруви раиси вазифасини
бажарувчи:
– Бугунги кунда инфратузилмалар аналитикасини ўтказяпмиз. Сьерра-Леонеда
мавжуд меъёрий-ҳуқуқий ҳужжатлар аудит қилиняпти. Маҳсулотларимизни жадал жорий
этишимиз учун нималарни кучайтиришимиз кераклигини билиб оляпмиз. Бир вақтнинг
ўзида давлат органлари улардан фойдалана олиши учун таълим ишларини амалга
оширамиз. Сьерре-Леонеда талабларга талабларимизга мос серверлар тақдим
этилишини кутяпмиз. Шунда маҳсулотларимиздан тўлақонли фойдаланиш имкони
туғилади.
Таъкидлаш лозимки, Қозоғистон электрон ҳукумат билан боғлиқ
халқаро рейтингларда юқори
поғоналарни эгаллаган. Шу жумладан, мамлакатимиз e-Government ривожланиши индекси бўйича 193 давлат ичида 28-ўринда, онлайн-хизматлар сифати
индекси бўйича
8-ўринда.
Абдумалик Сарманов
таржимаси.
Ўхшаш янгиликлар
