Вашингтонга
ташриф арафасида Американинг The National Interest газетасида Қозоғистон Президентининг
«Ишончлилик – янги куч» мақоласи чоп этилди. Унда Қосим-Жўмарт Тўқаев дунё
барқарорликнинг ўзи ноёб стратегик захиралар қаторига кирган даврда
яшаётганимизни таъкидлаган. Низолар сони ортяпти, геосиёсий рақобат кучайиб
боряпти, халқаро институтлар ички қарама-қаршиликлар, қутбланиш ва ижтимоий
ишонч камлиги туфайли ҳаракатга кўча олмаяпти. Бу вазиятда Давлат раҳбари дунё,
аслини олганда, ўзаро алоқаларда ниҳояси йўқ тинимсиз музокаралар, рамзий
ютуқлардан бошқа ҳеч нарса келтира олмайдиган декларация ва конференцияларга
асосланган аввалги моделларга ишона олмаслигини таъкидлаган. Шунинг учун Қозоғистоннинг Президенти Дональд Трамп ташаббуси, БМТнинг ҳар томонлама қўллови билан тузилган Тинчлик
кенгашига кириши олдинга қўйилган муҳим қадам ҳисобланади. «Бу
шунчаки яна битта музокаралар анжумани эмас», дея таъкидлади Қосим-Жўмарт
Тўқаев. У, айниқса, Ғазо сектори ва Яқин Шарқда аниқ натижаларга эришишга
йўналтирилган ташаббус.
Қосим-Жўмарт
Тўқаев, Қозоғистон Республикаси Президенти:
- Бу
ташаббуснинг бошқачалигини кўрсатадиган нарса — унинг мантиғи. Оқ уй инновациявий
тарзда ёндашишни таклиф қилди: кучини йўқотган сиёсий формулаларни
такрорлайвериш ўрнига яниқ ва тўғри тамойил: барқарор иқтисодий ривожланиш
орқали тинчликка эришиш таклиф қилинди. Бошқача қилиб айтганда, дунё буни шиор
сифатида эмас, лойиҳа сифатида кўряпти. Инфратузилма, инвестиция, иш ўринлари ва келажак имкониятлари. Булар туфайли ёвлашиш мазмунини
йўқотади. Ташаббус катта амбициялари туфайли ҳурмат ва халқаро эътиборга лойиқ.
Қосим-Жўмарт Тўқаев
мақолада таъкидлашича,
Қозоғистон ва АҚШ ўзаро
ишонч ва ҳурматга асосланган кўп қиррали ҳамкорлик шакллантирди. Америка
компаниялари, айниқса, энергетика соҳасида, мамлакатимизнинг энг йирик инвесторлари
қаторига киради. Яқинда рўёбга чиқарила бошлаган лойиҳалардан бири: дунёдаги
энг йирик вольфрам кони АҚШнинг Cove Capital компанияси билан ишга тушириляпти.
Қосим-Жўмарт
Тўқаев, Қозоғистон Республикаси Президенти:
- Сўнгги
йилларда биз дунё бозорларида модернизация, диверсификация ва интеграция стратегиясини
олиб бордик. Инвестициявий иқлимни, меъёрларни такомиллаштирдик, минтақада транспорт
боғланишини яхшиладик. Натижада, Қозоғистонда жон бошига ялпи ички маҳсулот 15 минг
долларга етди. Бу эса Марказий Осиёдаги энг йирик иқтисод сифатида мавқеимизни
яхшилади.
Абдумалик Сарманов таржимаси
Ўхшаш янгиликлар
