Ёш олим Гентингтон касаллигини самарали даволаш йўлини топиш ниятида изланиш олиб борилмоқда. Авлоддан-авлодга ўтувчи мураккаб касаллик генлардан биридаги мутация сабабли пайдо бўлади ҳамда оғир жисмоний ва ақлий ноқисликка олиб келади. Ҳатто ўлимга сабаб бўлиши мумкин.
АЯЗ БЕЛҚЎЖАЕВ, М.А. АЙТХОЖИН МОЛЕКУЛЯР БИОЛОГИЯ ВА БИОКИМЁ ИНСТИТУТИ ИЛМИЙ ХОДИМИ:
- Тадқиқот натижалари шуни кўрсатдики, соғлом ҳужайралар ва Гентингтон касаллигига чалинган ҳужайралар ўртасида микро-РНК мавжудлиги борасида жиддий фарқ борлиги кузатилди. Тегишли таҳлилларни ўрганиш оқибатида генлар экспрессияси 2000 микро-РНКни берди, шунингдек, экспрессия тузилмаларидаги фарқ 300 микро-РНКгача боради.
Ёш олим ўтказилаётган тажрибалар Альцгеймер, Паркинсон ва бошқа нейродегенератив касалликларни ўрганишда муҳим аҳамиятга эгалигини таъкидлайди. Натижада, хасталикни эрта босқичида аниқлаш, уни даволашнинг йўлларини топиш имконияти туғилади.
АЯЗ БЕЛҚЎЖАЕВ, М.А. АЙТХОЖИН МОЛЕКУЛЯР БИОЛОГИЯ ВА БИОКИМЁ ИНСТИТУТИ ИЛМИЙ ХОДИМИ:
- Тажрибаларни давом эттириш учун Гентингтон касаллигига чалинган беморларнинг қони ёки умуртқа суюқлигини олиш зарур. Клиника шароитида микро-РНКдаги ўзгаришларни кузатиб бориш керак. Биз даволашнинг янги йўлларини ишлаб чиқиш учун келажакда қатор илмий лойиҳалар устида ишлаш ниятидамиз.
Аяз Белқўжаев Буюк Британияда ўқиётган вақтида нейродегенератив касалликлар асосларини ўрганишга киришган. У «Бўлашақ» дастурининг «500 олим» лойиҳаси доирасида Бирлашган Қироллик лабораторияларида ишлаган. Ҳозир Қозоғистон Молекуляр биология ва биокимё институтида тадқиқотларини давом эттиряпти.
Абдумалик Сарманов таржимаси
