Интеллектуал ўйинлар қозоғистонлик ёшлар ўртасида трендга
айланяпти. Қозоқ тилидаги quiz форматидаги «TezTap» беллашувларига ҳар ҳафта 11
шаҳардан 100 нафардан зиёд иштирокчи ташриф буюради. Топқирлар беллашувлари 3
йилдан буён ташкил этиляпти.
Саясат Идеятули – тажрибали ўйинчи, quiz ўйинларида
аввалдаништирок этади. Ўзини интеллектуал ўйин фанати, деб ҳисоблайди. Чунки бу
жараён заковат уфқларини кенгайтиради, вақтни ҳам фойдали, ҳам қувноқ ўтказиш,
турли шаҳарлардан янги танишлар орттириш имконини беради.
Саясат Идеятули, TezTap ўйини иштирокчиси:
– Бу ўйинда қувонч келтирувчи нимадир
бор. Масалан, қўйилган саволга жавоб топишга интиласиз, бош қотирасиз, шу
жараённинг ўзи фойдали. Тўғри жавоб бера олсангиз олдадиган ижобий ҳиссиётлар
чексиз кўпаяди. Инсон қувонганида унда бахт гормони пайдо бўлади, quiz ўйини
мен шуни сезаман.
Нурсая Мизамбек, TezTap ўйини иштирокчиси:
– Интеллектуал ўйинни
ўйнарканмиз, кўплаб ривожланган, креатив, зиёли одамлар билан танишасиз. Ҳаётингизга
янги бўёқлар киради, қувонч пайдо бўлади, quiz ўйини давомида турли-туманликни
ҳис этасиз. Жараён 3-4 соат давом этади. Аммо унга тайёрланиш, қатнашиш ўзига
хос маросим бўлиб қолади.
Ташкилотчилар ҳар бир квизга тайёрланади. Ўйинда
бериладиган савол-жавоблар ишончли манбадан олиниши жуда муҳим. Мавзулар эса
ҳар хил – сиёсатдан бошлаб, шоу-бизнесгача.
Дана Қамзабек, TezTap интеллектуал ўйини
муаллифи:
– Бу ўйин вақтни мазмунли ўтказиш имконини берувчи энг фойдали имкониятлардан
бири, деб ҳисоблайман. Шу билан бирга, у интеллектуал контент беради. Масалан, quiz
га келган одамлар фақат кузатиш бидан чекланган тақдирда ҳам ўзи учун муҳим кўп
нарсаларни билиб олади. Саволлар ҳар хил бўлиши мумкин. Улар янги чиққан
китоблар, фильмлар ҳақида ҳам берилади. Бундай
ҳоллар quiz да кўп учрайди.
Қозоқ тилидаги интеллектуал ўйинларга қизиқиш тобора
ортиб бораётганини ҳисобга олган ҳолда ташкилотчилар уларни мавзуларга ажратиш,
географиясини кенгайтириш, кенг кўламли турнирлар ташкил қилиш ҳақида ўйлаяпти.
Шу билан бирга, интеллектуал ўйинларга катталарни ҳам жалб этиш таклифи
тушяпти. Масалан, яқин келажакда фақат пенсионерлар учун ўйинлар ўтказилади.
Абдумалик Сарманов
таржимаси
Веб-редактор: Нұрбек Балгүл Қайрошқызы
Ўхшаш янгиликлар
