Теннис бўйича Қозоғистон ва Дания терма жамоалари Астанадаги хард кортларда Дэвис кубоги доирасида учрашади. Ҳозир ўйинларга тайёргарлик кетяпти. Матчлар 14-15 сентябрь кунлари бўлиб ўтади. Мамлакат шарафини Юрий Шукин, Александр Бублик ва Александр Недовесов, шунингдек, Тимофей Скатов ва Бейбит Жукаев ҳимоя қилиши кутиляпти. Шунингдек, республикамизнинг иккинчи ракеткаси Александр Шевченко ҳам миллий жамоа таркибида кортга тушишга тайёрлигини билдирди. Данияликлар ҳам Астанада Қозоғистон терма жамоасига қарши ўйинларга тайёрланяпти.
Александр Шевченко, теннис бўйича Қозоғистон терма жамоаси аъзоси:
– Жуда катта натижалар кутиляпти, Дэвис кубогида ўйнашни ҳамиша истаганман, ҳозир эса биринчи марта бундай имконият туғилди. Аввалроқ Олимпиадада терма жамоа таркибида ўйнаганман. Жуда ажойиб ҳиссиётлар. Жамоа руҳиятини ҳис қиласиз. Кучли ва жипс жамоа. Шунинг учун жамоа шарафи учун курашиш мен учун бахт. Биз энг яхши ўйин намойиш этамиз, деб ҳисоблайман.
Фредрик Нильсен, теннис бўйича Дания терма жамоаси капитани:
- Биз яхши тайёрландик. Учта йигитимиз «Челленжер» турнирида Eastern Bullet (Истерн Буллет) аренасида бир ҳафта ўйнади. Яна бир спортчимиз Венгрияда ўйнаган. Ҳаммаси яхши тайёрланган. Ташкилий ишлар бизга ёқди.
Абдумалик Сарманов таржимаси
Ўхшаш янгиликлар
