Қозоғистон Президенти Европада Хавфсизлик ва Ҳамкорлик Ташкилоти раиси, Финляндия Ташқи ишлар вазири Элина Валтоненни қабул қилди. Қосим-Жўмарт Тўқаев таъкидлаганидек, мамлакатимиз суверенитет, ҳудудий яхлитлик ва инсон ҳуқуқлари каби қадриятларни қатъий қўллаб-қувватлайди. Улар Хельсинки якуний актида кўрсатиб ўтилган. Таъкидлаш лозимки, Европа хавфсизлигини таъминловчи ушбу ҳужжат қабул қилинганига 50 йил бўлди. Давлат раҳбари минтақавий ва глобал хавфсизлик учун мураккаб бўлган даврда ташкилотга раҳбарликни зиммасига олган Элина Валтонен фаолиятини қўллаб-қувватлашини таъкидлади. Президент Қозоғистон-Финляндия муносабатларини юқори баҳолади. Финляндия юртимизнинг Скандинавия минтақасидаги муҳим ҳамкори эканлигини таъкидлади ва алоқаларни кенгайтиришга тайёрлигини билдирди. Ўз навбатида, Элина Валтонен ЕХҲТ Қозоғистон ва Марказий Осиё билан алоқаларни ривожлантиришга катта эътибор берилаётганини кўрсатиб ўтди.
Абдумалик Сарманов таржимаси
Ўхшаш янгиликлар
