Давлат раҳбари Астана ҳокимини қабул қилди

Астанада инвестициялар ҳажми тобора ортяпти. 9 ой ичида бу кўрсаткич ўтган йилгига нисбатан16 фоизга ортди ва 1 триллион 140 миллиард тенгега етди. Пойтахт ҳокими Президентга шаҳарнинг ижтимоий-иқтисодий ривожланиши тўғрисида ҳисобот берди. Женис Қасимбек иситиш мавсумига тайёргарлик бўйича ҳам маълумот тақдим этди. Ўтган йили «Жанубий-Шарқ» газ-иссиқлик станцияси ва ТЭЦ-3 ҳамда «Турон» станцияларининг биринчи босқичлари ишга тушди, Астанада иситиш қувватлари етарли. Йил охиригача «Турон»нинг иккинчи навбати фойдаланишга топширилади. «Тельман» станцияси қурилиши бошланди, «Жанубий-Ғарб» объекти лойиҳалаштириляпти. Қабул ниҳоясида Қосим-Жўмарт Тўқаев инфратузилмаларни такомиллаштириш бўйича топшириқлар берди.

Абдумалик Сарманов таржимаси

Веб-редактор: Нұрбек Балгүл Қайрошқызы