Қозоғистон
кинематографи дунё саҳнасида эътироф этиляпти. Актёр ва режиссёрларнинг
маҳорати туфайли мамлакат маданияти ва санъатига эътибор ортяпти. Канн, Берлин,
Венеция кинофестивалларида тобора кўпроқ Қозоғистон киносаноати усталари
яратган картиналар намойиш этиляпти. Яқинда Хитойда бўлиб ўтган ШҲТ
мамлакатлари кинофестивалида «Энг яхши актёр» номинациясида қозоғистонлик актёр
Бахит Хажибаев ғалаба қилди. Таъкидлаш лозимки, танловда 10 та давлатдан 20 та
картина иштирок этди.
Рашид Сулейменов,
режиссёр:
- Кўпдавлатлар жиддий
картиналарини тақдим этишди. Рақобат жиддий бўлишини билардик. Шунинг учун
картинамиз «Энг яхши актёр» номинациясини олганини билганимизда, жуда қаттиқ
ҳаяжонландик, қувондик. Ҳа, жуда кутилмаган ҳолат, айни вақтда фахр ҳисси. Албатта,
бу, биринчи навбатда, бош ролни ўйнаган Бахит Хажибаевнинг актёрлик иқтидори
тан олиниши эди. Айни вақтда, шу тариқа жамоамизнинг фидокорона меҳнати
тақдирланди. Мамлакатимиз, Қозоғистон аҳли ва барча томошабинлар мукофотланди,
дея оламиз.
Миллий стендда 25
та бадиий, ҳужжатли, анимация фильмлари тақдим этилди. Улар ичидан жюри «Набат
амалиёти» фильмини танлаб олди. Бу картина ҳаётда юз берган воқеаларга
асосланган. 1992 йил февралида рейсга чиққан автобусда бўлган 30 та одамни
гаровга олишлари ҳақида. Қозоғистон куч ишлатиш тузилмалари профессионаллиги
туфайли амалиёт қурбонларсиз ниҳоясига етди.
Рашид Сулейменов,
режиссёр:
- 92-йил воқеалари,
Совет Иттифоқи тарқалган вақт, собиқ иттифоқдош республикалар маҳкумларини
алмашган. 1992 йил қишида, февралида Ўзбекистондан Россиянинг Самара шаҳрига
бир гуруҳ қамоқдагилар жўнатилади. Станциялардан бирида тўртта ёки олтита,
ҳозир аниқ эсимда йўқ, қўриқчиларни ўлдирган, стоп-кранни босган ва даштга
қочган. Уларни ўраб олишган, аммо жиноятчилар Қизил Ўрдадан Сариағашга қараб
йўлга тушган автобусни эгаллаб олишади. Ҳаммаси, бошидан охиригача, ҳаётда юз
берган воқеалар. Ҳар бир мизансцена, ҳар бир саҳна… Бу воқеа ҳозир ҳам куч
ишлатар тузилмалар таълим курсларида ўқитилади. Дарсликларига киритилган. Сўнгра
у экранга чиқди.
Ўхшаш янгиликлар
