Астанада Франция тараққиёт агентлиги ваколатхонаси очилди.
Ўтган йилнинг ноябрь ойида, Президент Қосим-Жўмарт Тўқаевнинг Францияга давлат ташрифи чоғида томонлар ўзаро англашув меморандумини имзолаганди. Ўтган вақт ичида Агентлик мамлакатимиздаги қатор лойиҳаларни молиялаштирди.
Улар орасида – тиббий инфратузилмани ривожлантириш,
кичик қишлоқ хўжалиги
корхоналарини, аёллар тадбиркорлигини қўллаб-қувватлаш, шунингдек, Балхаш ҳавзасидаги захираларни бошқариш режасини ишлаб чиқиш ва Оролни қутқариш ташаббусларида иштирок этиш
кабилар бор. Бу ишларни амалга ошириш учун 4
миллион евродан зиёд маблағ ажратилган.
Ҳозирги пайтда Франция агентлиги «Байтерек» холдинги ва унинг тараққиёт институтлари билан биргаликда янги лойиҳалар ва молиялаштириш
механизмларини ишлаб чиқмоқда. Улар
рақамлаштириш ва «яшил» ўтишни қўллаб-қувватлашга қаратилган. Агентликда
таъкидланишича, Қозоғистон минтақада «яшил» иқтисодиётни равнақ топтиришда
асосий роль ўйнайди ва глобал иқлим сиёсатида муҳим иштирокчига айланиши мумкин.
Амели
Обэр, AFD нинг
Марказий ва Шарқий Осиё бўйича минтақавий директори:
- Муҳим хомашё ресурсларини ҳисобга олган ҳолда айтганда, Қозоғистон иқлим ўзгаришига қарши курашда ҳам асосий иштирокчи ҳисобланади. Чунки бу захиралар «яшил» ўтиш саноатини қўллаб-қувватлашда муҳим роль ўйнайди, энергетикада бўлгани каби, нисбатан кенгроқ иқлимий шароитда ҳам шундай.
Абдумалик Сарманов таржимаси
Ўхшаш янгиликлар
