Қосим-Жўмарт Тўқаев Қирғизистон президенти Садир Жапаров билан учрашди. Қўшни мамлакат етакчиси Марказий Осиё давлат бошлиқлари ва Европа Кенгаши президенти учрашувида қатнашиш учун Қозоғистонда бўлиб турибди. Икки давлат раҳбарлари ҳукуматларнинг савдо соҳасидаги биргаликдаги фаолият натижаларини юқори баҳолади. Бунда товар айланмаси ўтган йилгига қараганда деярли 18 фоизга ошгани таъкидланди. Тарафлар айтиб ўтганидек, шу тариқа, икки томонлама савдо ҳажмини 2 миллиард долларга етказиш вазифаси режага биноан амалга оширилмоқда.
