Рақамлаштирилган классикадан энг янги тўла ва
қисқа метражли ишларгача. Астанада миллий анимация жараёнини кузатиш имкони
яратилди. Республика куни ва Халқаро анимация куни муносабати билан
пойтахтда «Миллий анимация фильмлари» ҳафталиги ўтказиляпти. Пойтахт аҳли ва меҳмонлари
энг яхши маҳаллий мультфильмларни томоша қила олади. Киноҳафта дастурига қозоқ анимацияси усталари ва ёш режиссёрлар
турли йилларда тайёрлаган 12 та картина киритилган. Ташкилотчилар
таъкидлашича, бунда ретроспектива намойиш этилади, айни вақтда халқаро даражада
тан олинаётган миллий мультипликацияни ривожлантириш учун яна бир қадам
қўйилди. Сўнгги 5 йил ичида мамлакатда 47 та анимация лойиҳаси рўёбга
чиқарилди, уларнинг кўпчилиги нуфузли фестивалларда мукофот олди.
Айнур Исаева, «Қозоқ анимация» ижодий
бирлашмаси муҳаррири:
- Ушбу тадбирни ўтказишдан мақсад – Қозоғистон
анимацияси нақадар бой ва замонавийлигини ўзимизнинг томошабинларга кўрсатишдан
иборат. Лойиҳа учун картиналар сараларканмиз, айнан
шу фильм томошабинларда қизиқиш уйғота олишини ҳисобга олдик. Бундан ташқари,
ҳафталикда Амен Ҳайдаров каби машҳур муаллифлар асарлари намойиш этилиши керак,
дедик. Шунингдек, тўла метражли мультфильмларни кўриб чиқдик.
Абдумалик Сарманов таржимаси
Ўхшаш янгиликлар
