Ақтўбеда хуннлар даврининг жанговар артефактлари тикланмоқда. Қадимий халқ тимсоли асл манбалар асосида реконструкция қилинаётир. Ноёб лойиҳа туфайли ўша даврга оид бўлган от анжомлари ва ҳарбийларнинг қурол-яроғлари тўлалигича намойиш этилди. Реставрация илмий тахминларнинг тасдиқланишига имконият беради. Улардан бирига кўра, Қозоғистоннинг ғарбидаги даштларда икки аср давомида Европани забт этган буюк жаҳонгирлар – хуннларнинг яшаш жойи бўлганини исботлаши мумкин. Таъкидлаш лозимки, ишлар йил охиригача якунига етади. Лойиҳа устида мамлакат ва хориж мутахассислари меҳнат қилмоқда. Реконструкциядан кейин экспонатлар Ақтўбе тарих-ўлкашунослик музейига берилади.
Аслан Мамедов, Ақтўбе вилоят ўлкашунослик музейи катта илмий ходими:
- Антропологик таҳлил бу ёш йигит бўлгани, бош чаноғида айлана шаклида
деформация бўлганини кўрсатди. Бу эса унинг II-IV асрларда яшаганини билдиради.
Таъкидлаш лозимки, олимлар фикрича, сўнгги йилларда ўтказилган тадқиқотлар
Ақтўбе вилояти ҳудудида камида 400 та хуннлар даврининг ёдгорлиги борлигини кўрсатди. Уларнинг ҳаммаси ҳам
ўрганилган эмас.
Абдумалик Сарманов таржимаси.
