Астанадаги
минтақавий экологик саммит халқаро экспертларда катта қизиқиш уйғотяпти.
Эслатамиз, анжуман 22-24 апрель кунлари ташкил қилинади. Анжуманда қатнашиш
истагини билдирган, шу жумладан, Европа Иттифоқи, Яқин Шарқ, Марказий Осиёдан
бўлган 3 минг нафар иштирокчи рўйхатга киритилди. Улар қаторда давлат
раҳбарлари, экологлар, олимлар ва халқаро ташкилотлар вакиллари бор. Форум
доирасида улар Орол ва Каспий денгизи муаммолари, экологик табиий таваккалларга
иқтисодиётнинг бардошлилиги, озиқ-овқат хавфсизлиги, минтақа экотизими, табиий
захиралардан барқарор фойдаланиш, иқлимга мослашиш масалаларини муҳокама
қилади. Айни вақтда, БМТ билан ҳамкорликда минтақавий экологик ташаббусларни
рўёбга чиқариш масаласи кўрилади. Эслатамиз, Қозоғистон Президенти БМТ Бош Ассамблеясининг
2023 йилдаги 78-сессиясида Минтақавий экологик саммит ўтказиш таклифини тилга
олганди.
Саранго Раднарагча, БМТнинг Қозоғистондаги доимий мувофиқлаштирувчиси:
- БМТ учун
Минтақавий экологик саммитни тайёрлаш ишларида қатнашишнинг ўзи катта шараф.
БМТ ва Марказий Осиё давлатлари ҳукуматлари ҳамкорлигида 2026–2030 йиллар учун
минтақавий экологик ташаббусларни рўёбга чиқариш бўйича фаолият дастури
имзоланиши кутиляпти. Устувор минтақавий лойиҳалар қаторида иқлим ва экология
билан боғлиқ инвестициявий жамлама, табиатни муҳофаза қилишга қаратилган тарзда
иш юритиш, Марказий Осиё давлатларининг экологик фаолияти самарадорлиги таҳлили,
иқтисодда чиқиндилардан қайта фойдаланиш ва «Яшил мактаб» минтақа майдончаси
бор.
Мансур Ошурбаев, Қозоғистон
Республикаси Экология ва табиий захиралар вазири ўринбосари:
- Саммит доирасида
ҳамкорликни ривожлантириш, қўшма ташаббусларни ишга туширишга алоҳида эътибор
қаратиляпти. Мавзуга оид сессиялар якунига кўра 30 тадан зиёд амалий
ҳамкорликни кенгайтиришга қаратилган қўшма ташаббус, меморандум, шартнома
имзоланиши кутиляпти. Бу эса мулоқотдан минтақавий кооперацияни кучайтирувчи
аниқ ҳаракатларга кўчиш имконини беради.
Таъкидлаш лозики,
Саммит доирасида яшил технологиялар халқаро кўргазмаси ўтказилади. Унда
Марказий Осиёнинг 30 тадан зиёд йирик саноат корхонаси минтақада экологик
вазиятни яхшилашга қаратилган технологияларини намойиш этади.
Абдумалик Сарманов таржимаси
Ўхшаш янгиликлар
