Татарстандын Казан федералдык университетинде Абай атындагы казак тили жана
маданият борбору ачылды. Борбордун ишмердүүлүгү биргелешкен билим берүү
программаларын ишке ашырууну, казак тилин жана маданиятын жайылтууну көздөйт. Ошондой
эле адистерди даярдоо боюнча тажрыйба алмашууга багытталган. Мында келүүчүлөр
акындын өмүрү жана чыгармачылыгы, белгилүү акындардын изилдөөлөрү тууралуу
материалдар менен тааныша алышат. Адистердин айтымында, казак классиктеринин
улуу мурасы дүйнөлүк тилдерге которулушу керек. Келечекте республикада салттуу
абай таанууну уюштуруу пландаштырылууда.
Альфия Юсупова, профессор, КАЮМ Насыйри институтунун
мүдүрү:
- Бир катар өлкөлөрдө Абай борборлору бар. Мындан 10 жыл
мурун Казанда ушундай борбордун болушун пландаганбыз. Бул биринчи кезекте
Татарстандын тургундарынын арасында казак маданияты кеңири тарап, казак тили да
окутулат. Ошондуктан билим алууну жана келүүнү каалагандар үчүн эшигибиз ачык.
Учурда борборго кызыгып, сурап жаткандар көп. Бул жерде казак адабиятына
тиешелүү иш-чаралар да өткөрүлөт.
Гүлфия Гайнуллина, Казан федералдык университетинин
доценти:
- Акыркы убакта казак адабиятына, фольклоруна суроо-талап жогору болгондуктан, татар тилине көптөгөн чыгармалар которулууда. Бул эки тектеш элди жакындатаары шексиз. Мындан эки жыл мурун Мухтар Ауэзовдун үч чыгармасын өз тилибизге которуп, окурманга тартуулаганбыз. Абайдын чыгармалары да суроо-талапка ээ. Андыктан улуу акындын чыгармаларын которууну уланта беребиз.
Которгон: Илгиз Жамалбеков
Веб-редактор: Maya
Oкшош жаңылыктар
