Казакстанда 2029-жылга чейин
республикалык тармакта 8 миң чакырым жолду сапаттуу куруу жана реконструкциялоо
милдети коюлган. Маселен, анын жарымынан көбүн жакынкы жылдарда этап-этабы
менен ишке ашыруу пландалууда. Бул тууралуу транспорт министри Марат Карабаев
өлкө башчынын шайлоо алдындагы программасын ишке ашыруу боюнча өткөн штабдын
жүрүшүндө билдирди. Башкармалыктын башчысынын айтымында, бүгүнкү күндө 2 миң
чакырымга арналган үч долбоорго артыкчылык берилип жатат. Алар «Орусия Федерациясынын
чек арасы — Марток — Актөбе — Улгайсын — Кызылорда», «Жезказган — Караганды» жана
«Сарыагаш шаарын айланып өтүү» жолдору. Министр учурда айрым участоктордо
курулуш-монтаждоо иштери жүрүп жатканын, кээ бир жерлерде 2024 жана 2025-жылдары иш башталаарын
белгиледи. Ошол эле учурда жол боюндагы тейлөө инфраструктураны өнүктүрүү улантылууда.
Бүгүнкү күндө республикалык маанидеги жолдордун жээгинде 1500дөн ашык тейлөө
объектилери иштеп жатат, алардын дээрлик 80%ы Улуттук стандарттын талаптарына
жооп берет. Жакынкы алты жылда өлкөдө 300дөн ашык жаңы кафелерди, май куюучу
жайларды жана соода түйүндөрүн ишке кошуу мерчемделген. Бул жаатта 2029-жылга
чейин облустук жана райондук маанидеги 14 миң чакырым жолду оңдоо көздөлүүдө.
Ошондой эле, автожолдордун курулуш процессине көзөмөлдү күчөтүү механизмдери
киргизилет.
Которгон: Илгиз Жамалбеков
