Атырауда Казакстандын Премьер-министринин жетекчилиги астында селге каршы иш-чараларды координациялоо жана анын кесепеттерин жоюу боюнча республикалык штабдын көчмө жыйыны өттү. Облустун акимдери жана министрлер видеоконференция аркылуу байланышты. Өзгөчө кырдаал жарыяланган аймактардан 70 миңден ашуун адам эвакуацияланып, 60 миңден ашык баш мал коопсуз аймактарга жеткирилди. Куткаруу иштерине жалпысынан 12 миңден ашык адам, 800дөн ашык техника, 400 суу соргуч жана сүзүүчү техника тартылган. Премьер-министр Олжас Бектенов Саламаттыкты сактоо министрлигине өзгөчө кырдаал аймактарындагы санитардык-эпидемиологиялык абалга көзөмөлдү күчөтүүнү, Айыл чарба министрлигине эпизоотиялык абалдын начарлашына жол бербөөнү, ал эми акимчиликтерге эвакуациялоо пункттарындагы калкты бардык зарыл нерселер менен камсыздоону тапшырды. Жалпысынан учурда республика боюнча кар турган аянт 15% түзөт. Сел кырдаалы штабдын туруктуу көзөмөлүндө турат.
Олжас Бектенов, Казакстан Республикасынын Премьер-Министри:
- Көзөмөлдү күчөтүүнү жана азык-түлүктүн баасын негизсиз жогорулатууга жол бербөөнү тапшырам. Фактыларды токтоткула. Азыр бир катар аймактарда зыяндын ордун толтуруу жана компенсация төлөп берүү иштери башталды. Бул иш мүмкүн болушунча ачык-айкын - бюрократиясыз жана тез жүргүзүлүшү зарыл. Эч ким жардамсыз калбашы керек. Акимдер кырдаалды өзгөчө көзөмөлгө алсын.
Веб-редактор: Айдана Нагиева
Oкшош жаңылыктар
