Соода-экономикалык, транспорттук-логистикалык жана маданий-гуманитардык чөйрөлөр. Ушул жана башка маселелерге Казакстан менен Тажикстандын президенттери сүйлөшүүлөрдө өзгөчө көңүл бурушту. Эске сала кетсек, Касым-Жомарт Токаев Дүйшөмбүдө иш сапары менен жүрөт. Жолугушууда өлкө башчылары эки тараптуу мамилелердин абалын, өнүгүү келечегин жана мурда жетишилген макулдашууларды ишке ашырууну талкуулашты.
Касым-Жомарт Токаев Борбордук Азия мамлекет
башчыларынын V консультативдик жолугушуусуна катышты
Андан соң Казакстандын президенти Борбор Азия мамлекеттеринин башчыларынын V Консультативдик жолугушуусуна катышты. Ал өз сөзүндө ири аймактык долбоорлор өз ара пайда алып келерин жана аймактын экономикасынын бүт конфигурациясын өзгөртөөрүн белгиледи. Касым-Жомарт Токаев Казакстан Борбор Азиянын бардык өлкөлөрү менен көп кырдуу өнөктөштүктү чыңдоо боюнча стратегиялык багытты бекем карманарын баса белгиледи.
Веб-редактор: Ализа Абай
Oкшош жаңылыктар
