Европа реконструкциялоо жана өнүктүрүү
банкы Казакстандын инфраструктуралык өнүгүүсүн андан ары колдоого кызыкдар. Бул
тууралуу президент Касым-Жомарт Токаев менен жолугушууда каржы уюмунун
президенти Одиль Рено-Бассо билдирди. Банк менен байланыш түзүлгөндөн бери өлкө
чакан жана орто бизнес, энергетика, айыл чарбасы сыяктуу бир катар стратегиялык
сектордо олуттуу натыйжаларга жетишти. 2024-жылы инвестициянын көлөмү
2023-жылга салыштырмалуу эки эсеге көбөйүп, 1 млрд евронун тегерегин түздү.
Банктын башчысы өлкөнүн транспорттук дараметин, энергетика секторун өнүктүрүүгө
жана «жашыл экономика» программаларын колдоого даяр экенин айтты.
Которгон: Илгиз Жамалбеков
Oкшош жаңылыктар
