Казакстан достук жана өз ара пайдалуу мамилелерди чыңдоого багытталган тынчтык жана ачык тышкы саясатты жүргүзүп келет. Бул тууралуу президент Касым-Жомарт Токаев Акордада бир катар мамлекеттердин элчилеринин ишеним грамоталарын тапшыруу аземинде билдирди. Мамлекет башчысы Америка Кошмо Штаттарынын элчиси Дэниел Розенблумду, Сьерра-Леоненин элчиси Мохамед Йонгаво жана Молдованын элчиси Лилиан Дарияны Казакстандагы расмий миссиясынын башталышы менен куттуктап, алар өлкө менен эки тараптуу кызматташтыкты өнүктүрүүгө салым кошоруна ишенимин билдирди.
Которгон: Илгиз Жамалбеков
