Улуттук Гимндин коштоосунда Казакстандын желеги Нью-Йорктун каржы борборунда – Уолл-Стритте көтөрүлдү. Салтанат Америка ири мегаполисинде Казакстандын Республика күнүн майрамдоо алдында уюштурулган. Ага казак диаспорасынын, ишкер жана студенттер коомчулугунун, дипломатиялык корпустун өкүлдөрү жана Нью-Йорктун мэри катышты. Чогулгандар домбранын үнү менен ырахаттана алышты.
Рауан Тлеулин, Казакстандын Нью-Йорк шаарындагы башкы консулу:
– Элибиз үчүн желек ар дайым биримдиктин жана эрдиктин символу болуп кала берет. Америкалык кесиптештер менен мындай иш-чараны уюштуруп жатканыбызга абдан кубанычтамын.
Таня Янг, Нью-Йорк шаарынын тургуну, Димаш Кудайбергендин күйөрманы:
– Мага сиздердин маданиятыныздар, өлкөңүздөр абдан жагат. Жакында Мен Казакстанда-Астанадагы Димаштын концертинде болдум. Чоң шоу болду. Ал менин Казакстанга болгон үчүнчү сапарым.
Которгон: Илгиз Жамалбеков
Веб-редактор: Айдана Нагиева
Oкшош жаңылыктар
