Казакстандын картасында үч облус пайда болот деген кабар эл тарабынан жылуу кабыл алынып, кызуу талкууга алынууда. Президент Касым-Жомарт Токаев кайрылуусунда «улуттук аң-сезимибизди бекемдеп, түпкү географиялык аталыштарды кайтарып, улуу инсандарыбыздын элесин кайра жандандыра бермекчибиз» деп белгиледи. Бул тарыхка болгон сый-урмат гана эмес, жергиликтүү бийлик үчүн да оптималдуу чечим экенин тургундар айтышат.
Блиц:
- Бул жалпы Семей тургундары үчүн, Абай эли үчүн, алаш журтчулугу үчүн кубаныч. Анткени бул өз убагында кабыл алынган чечим. Ал эми тарыхый жактан адилеттүү чечим деп эсептейбиз.
- Бул Семей үчүн абдан жакшы жаңылык. Семей шаарынын өнүгүшүнө оң таасирин тийгизет деп ойлойм.
- Экиге бөлүнүүнүн да кезеги келип турган сыяктуу. Анткени, Алматы облусу республикадагы эң ири облустардын бири. Бул кайра жаралуу үчүн зарыл шарт деп эсептейм.
- Капчагай шаарына Конаев атабыздын ысымын ыйгаруу максатка ылайыктуу. Анткени, көзүнүн тирүүсүндө Казакстандын тамырына кан жүгүрткөн инсан болгон.
- Жеке аймак жекече өнүгөт. Кандай гана ири экономикалык иш-чара болбосун өлкөгө пайда алып келет. Бул өнүгүүгө жол ачат деп ойлойм.
- Бул идеологиялык жактан туура деп ойлойм. Себеби, улут уясы Улытау дейбиз. Бул иш жүзүндө ушундай болушу керек эле.
Которгон: Илгиз Жамалбеков
Веб-редактор: Admin
Oкшош жаңылыктар
