Казакстандык спортчулар Түркияда өткөн VI этноспорт маданият фестивалына катышты. Анда Ата мекендик эр эңишчилер жана тыйын эңмей федерациясынын мүчөлөрү өз өнөрлөрүн көрсөтүштү. Жалпысынан Стамбулдагы эл аралык иш-чарага 20 өлкөдөн 1000ден ашык спортчу жана маданият тармагынын өкүлдөрү чогулду. Анын алкагында улуттук спорттук мелдештер, түрк элдеринин салттуу кол өнөрчүлүгү жана тамак-аш көргөзмөсү уюштурулду. Дүйнөлүк этноспорт конфедерациясы улуттук баалуулуктарды даңазалаган иш-чараны 6-жолу өткөрүп жатат. Казакстандык делегация катышуучуларды өлкөдө мерчемделген Көчмөндөр оюндарына чакырды.
Исламбек Салжанов, Улуттук спорт бирикмесинин президенти:
– Быйыл президенттин демилгеси менен Казакстанда аяк оона айында V Дүйнөлүк көчмөндөр оюндарын өткөрүү пландалууда. Ага 3 миңден ашык спортчулар келет. Анын өтүшүнө дүйнөлүк конфедерация чоң колдоо көрсөтүп жатат. Бул спорттун гана эмес, өлкөбүздүн маданиятын, руханий дүйнөсүн, анын ичинде улуттук спорттун түрлөрүн өнүктүрүүгө салым кошоруна ишенебиз.
Которгон: Илгиз Жамалбеков
