Казакстанда таштандыны энергия булагына айландыруу боюнча инвестициялык долбоор ишке ашырылат. Кытайлык компания Алматыда таштандыларды керекке жаратуучу заводдун курулушуна 270 миллион доллар жумшамакчы. Премьер-Министр инвестор менен жолугуп, долбоорду ишке ашыруунун жүрүшүн талкуулады. Ишкананын курулушун үстүбүздөгү жылдын кулжа айында баштоо пландаштырылууда. Ал суткасына 2 миң тоннага жакын калдыктарды кайра иштетип, 60 МВт электр энергиясын иштеп чыга алат. Инвестор өндүрүштө колдонулган технологиялар экологиялык коопсуздуктун эң жогорку дүйнөлүк стандарттарына жооп берет деп эсептейт.
Которгон: Илгиз Жамалбеков
Oкшош жаңылыктар
