«Самрук-Казына»
38 миллиард доллардан ашык 64 долбоорду ишке ашырат. Алардын көпчүлүгүндө
курулуш-монтаждоо иштери башталган. Атап айтканда республиканын түштүгүндө жана
түндүгүндө эки ири шамал электр станциясын куруу бар. Бул тууралуу
Премьер-министр Олжас Бектеновдун төрагалыгы астында Фонддун мүдүрлөр кеңешинин жыйынында
белгилүү болду. Жолугушууда ошондой эле «Бейнеу-Бозой-Шымкент» газ куурунун
экинчи линиясын куруу жана Атырау облусунда көмүртектүү чийки затты терең кайра
иштетүү тармагында өндүрүш үчүн атайын экономикалык аймакты түзүү маселелери талкууланды. Мындан тышкары,
биринчи кварталда «Самрук-Казына» маанилүү келишимдерге кол койду - анын ичинде
Казакстандын жана Азербайжандын портторунда түбүн тереңдетүү иштерин жүргүзүү
долбоору боюнча. Отурумдун жыйынтыгында Премьер-министр долбоорлорду ишке
ашыруу мөөнөттөрүнө көзөмөлдү күчөтүүнү тапшырды. Ошондой эле бул процессте
жергиликтүү мазмундун үлүшүн көбөйтүү милдети коюлду.
Которгон: Илгиз Жамалбеков
Oкшош жаңылыктар
