Казакстандын Президенти менен Жапониянын тышкы иштер министри Такеши Ивая соода-экономикалык, инвестициялык, транспорттук-транзиттик жана маданий-гуманитардык тармактардагы казак-жапон кеңейтилген стратегиялык өнөктөштүгүнүн учурдагы абалы менен өнүгүү мүмкүнчүлүктөрүн талкуулашты. Касым-Жомарт Токаев Жапониянын тышкы саясат мекемесинин башчысынын Астанага сапары эки өлкөнүн ортосундагы мамилени арттырууга жаңы дем берерин белгиледи.
Касым-Жомарт Токаев, Казакстан Республикасынын президенти:
- Жапония биздин Азиядагы ишенимдүү жана жакын өнөктөшүбүз. Токио менен ар тараптуу кызматташтыкты андан ары тереңдетүүгө өзгөчө маани берип жатабыз. Эң алды менен Премьер-министр Ишибага жылуу саламымды жеткирүүңүздү суранам. Планыбыз боюнча Премьер-министр Ишиба Казакстанга расмий сапар менен келмекчи. Биз күтүп, даярданып жатабыз. Биздин карым-катнашыбыз жогорку ылдамдыкта өнүгүп келе жатат деп шексиз айтууга болот.
Такеши Ивая, Жапониянын тышкы иштер министри:
- Казакстан менен Жапония – эл аралык тартипти күчөтүүгө кызыкдар стратегиялык өнөктөштөр. Менин бул сапарым эки өлкөнүн ортосундагы байланышты андан ары өнүктүрүүгө жол ачат деп ойлойм.
Которгон: Илгиз Жамалбеков
Oкшош жаңылыктар
