Казакстан Беларуска экспортту
105 товардык позицияда 265 миллион долларга жакын көбөйтүүгө даяр. Бул тууралуу
премьер-министр Олжас Бектенов кесиптеши Роман Головченко менен жолугушууда
билдирди. Өлкөнүн өкмөт башчысы Евразия өкмөттөр аралык кеңешинин
жыйынына катышуу үчүн Минск шаарына барды. Тараптар
соода-экономика, өнөр жай, агро өнөржай комплекси, санариптештирүү, ошондой эле
маданий-гуманитардык өз ара аракеттенүү чөйрөлөрүндө кызматташууну бекемдөө
маселелерин талкуулашты. Белгилей кетсек, былтыр Казакстан менен Беларустун
ортосундагы товар жүгүртүү АКШ валютасында 912 миллион долларды түзгөн. Ошондой
эле, Олжас Бектенов «Белагро-2024» эл аралык көргөзмөсүнө да катышып, «Евразия
экономикалык биримдигинин азык-түлүк коопсуздугу» пленардык жыйынында сөз
сүйлөдү. Иш-чарага Орусия, Кыргызстан, Өзбекстан, Беларус, Азербайжандын өкмөт
башчылары, Армениянын вице-премьер-министри, ошондой эле Евразия экономикалык
комиссиясынын коллегиясынын төрагасы катышты.
Олжас Бектенов, Казакстандын өкмөт башчысы:
-Бүгүнкү күндө Казакстан дүйнөлүк азык-түлүк экспорттоочуларынын ТОП-25
катарына кирет. Ата мекендик айыл чарба өнүмдөрү дүйнөнүн 80 өлкөсүнө, анын
ичинде Борбордук Азияга жана ЕАЭБ өлкөлөрүнө жеткирилет. Анын экспорту акыркы 5
жылда эки эсеге өсүп, 5,4 миллиард долларга жетти. Алдыдагы убакытта бул
көрсөткүчтөрдү көбөйтөбүз. Казакстан
2026-жылга чейин айыл чарба өнүмдөрүн эки эсеге арттырууну максат кылууда.
Которгон: Илгиз Жамалбеков
Oкшош жаңылыктар
