Касым-Жомарт Токаев Сауд Арабиясынын Королу Салман бен Абдел-азиз Аль Саудду эки өлкөнүн ортосундагы дипломатиялык мамилелердин 30 жылдык мааракеси менен куттуктады. Телеграммада мамлекет башчысы мындай кыска убакыттын ичинде салттуу достукка негизделген кызматташтык тез өнүгүп, бекем жана ишенимдүү өнөктөштүккө айланганын баса белгилеген. Бүгүнкү күндө Сауд Арабиясы Казакстандын Жакынкы Чыгыш чөлкөмүндө гана эмес, араб дүйнөсүндөгү негизги саясий өнөктөштөрүнүн бири. Өлкөлөр эл аралык жана аймактык аренада жигердүү кызматташып келет. Касым-Жомарт Токаев тараптардын өз ара кызматташтыгы артып, алардын ар тараптуу мамилелери мындан ары да тереңдейт деген ишенимин билдирди.
Которгон: Илгиз Жамалбеков
