Бүгүн Казакстанда маданият жана улуттук каада-салттар күнү белгиленип жатат. Ал Ноорузду майрамдоонун улуттук декадасына кирет. Ал эми казак элинин маданий мурастарын жана үрп-адаттарын кеңири жайылтуунун алкагында Улуттук гвардиянын аскер кызматчылары Астана айымдарына «Селт эткизер» улуттук оймо-чиймелери менен кооз жасалгаларды тартуулашты. Бул илгертен келе жаткан салт – мурда жигиттер кыздарга белек беришкен. Алар Нооруз майрамынын алдында мырзаларга арнап атайын – уйкудан ойготуучу «Уйку ачар» тамак даярдашкан. Айта кетсек, салттуу шакек жана билерик түрүндөгү белектер борбор калаанын жашоочуларына чын жүрөктөн кубаныч тартуулады.
Айгерим Спаналы, Астана шаарынын
тургуну:
- Бизге абдан жакты. Жагымдуу болду.
Баарыныздарды майрамыңыздар менен куттуктайм.
Диана Сауирдинова, Борбор
калаанын тургуну:
- Белек үчүн Улуттук гвардияга чоң рахмат.
Ал эми өлкөбүз Казакстанды Нооруз майрамы менен куттуктайм.
Дана Балтабай, Борбор калаанын
тургуну:
- Мен белекке таң калдым, күткөн
эмесмин. Казакстандыктарды өткөн Көрүшүү күнү майрамы менен жана келе жаткан
Жаңы жыл – Нооруз майрамы менен куттуктайм.
Которгон: Илгиз Жамалбеков
Oкшош жаңылыктар
