Казакстанда жакынкы бир нече
жылда Борбор Азияны туруктуу өнүктүрүү үчүн БУУ-нун санариптик чечимдер борбору
пайда болот. Анын так жайгашкан жери, максаттары жана милдеттери санариптик
инклюзия жана трансформация боюнча Азия-Тынч океан министрлеринин
конференциясында жарыяланат. Иш-чара быйыл күзүндө Астанада 60 өлкөнүн
министрлеринин катышуусунда өтөт. Мажилис аны өткөрүү жөнүндө Казакстан өкмөтү
менен Бириккен Улуттар Уюмунун ортосундагы келишимди ратификациялады. Документ
Азия-Тынч океан чөлкөмү экономикасынын негизги секторлорунда санариптештирүүнү
өнүктүрүүгө, санариптик чөйрөдөгү долбоорлорду ишке ашырууну координациялоого,
ошондой эле Казакстандын аймактык деңгээлдеги таасир этүү чөйрөсүн кеңейтүүгө
жана Казакстандын IT кызмат экспортун арттырууга багытталат.
Жаслан
Мадиев, Санариптик өнүктүрүү, инновациялар жана аэрокосмос өнөр жай министри:
-Биз санариптик чечимдер
борбору бул жерде болушун каалайбыз жана ал кандайдыр бир хаб болмок. Муну менен катар экономикалык натыйжалуулук
жагынан БУУнун бөлүмү аркылуу аймактагы IT чечимдерибизди жылдырууга таасир
этет. Биздин IT секторубуздун 5 жылдык тарыхына көз чаптырсак, ал 10 эсе өсүп,
жылына 500 миллион долларга тең келет. Бул биздин компанияларга жана жаңы баштаган
ишканаларга чет өлкөдө акча коротпой жоготууга учурабашы үчүн чоң мүмкүнчүлүк
деп ойлойм. Биз өлкөбүздө кандайдыр бир роуд-шоу уюштуруп, республикада стартаптардын
аллеясын түзөбүз.
Веб-редактор: Нұрбек Балгүл Қайрошқызы
Oкшош жаңылыктар
