Касым-Жомарт Токаевдин дарегине коңшу мамлекеттердин башчыларынан куттуктоолор келип жатат. Кытай Эл Республикасынын төрагасы Касым-Жомарт Токаевди алгачкылардан болуп куттуктады. Си Цзиньпин шайлоодогу таза жеңиш Казакстан элинин ишенимин жана колдоосун билдирет деп баса белгилеген. Куттуктоо телеграммасында Орусия Федерациясынын Президенти Касым-Жомарт Токаевди жеңиши менен куттуктап, өлкөлөр ортосундагы кызматташтык мындан ары да өнүгө берерине ишенимин билдирди. Мамлекет башчы ошондой эле, Борбордук Азия мамлекеттеринин башчыларынын куттуктоосун телефон аркылуу алды. Эмомали Рахмон Казакстан менен Тажикстандын элинин жыргалчылыгы үчүн кызматташтыкты мындан ары да бекемдөөгө даяр экендиктерин билдирди. Өзбекстандын президенти Шавкат Мирзиёев да эки тараптуу мамилелер тездик менен өнүгүп жатканын белгилеген. Ошондой эле, Кыргыз Республикасынын Президенти Садыр Жапаров казак элинин башчысына мамлекеттик жогорку кызматында ийгиликтерди каалады.
Которгон: Илгиз Жамалбеков
Веб-редактор: Admin
Oкшош жаңылыктар
