ҚР Ұлттық музейінде ел тәуелсіздігінің 30 жылдығына орай «Менің Қазақстаным» атты мәдени-білім беру және экспозициялық орталық ашылды. Орталық елордалық балаларды ел тарихы, мәдениеті, салт-дәстүрімен жақынырақ таныстырып, сондай-ақ олардың бейнелеу және сәндік-қолданбалы өнер саласындағы практикалық дағдыларын қалыптастырмақ. Музейдің педагогика және балалар шығармашылығы бөлімінің жетекшісі Гауһар Қасиқызының айтуынша, жоба 3-4 жыл көлемінде талқыланып, соңғы 6 айда қызу дайындықпен әзірленген.
Гауһар Садыбай, ҚР Ұлттық музейінің педагогика және балалар шығармашылығы бөлімінің жетекшісі:
- Бұл орталықты ашудағы мақсатымыз – балалардың білімін, тарихқа деген қызығушылығын арттыру. Қазақстанның тарихы, географиясы, ұлттық ойындар, қару-жарақтар, кітапхана сынды 10 түрлі аймақтан тұрады. Бұл орталықты ашу үшін шамамен жарты жылдай жұмыс жүргізілді. Осы балалар орталығын ашу біздің үлкен мақсатымыз болған.
Айта кетейік, орталыққа 3 жастан 15 жасқа дейінгі балалар қабылданады. Қазіргі карантиндік шектеулерге байланысты мәдени орталық 20 балаға дейін қабылдай алады. Ұйымдастырушылардың айтуынша, эпидемиологиялық жағдай жақсара түскен кезден бастап келушілер санын арттыру көзделіп отыр.
Веб-редактор: Admin
1. Жасанды интеллектті қолданасыз ба?
Сондай-ақ
